113.                                                                                                     1522. 09. 10

 

Лист, писаныи до Магмет Кгирея ц(а)ря перекопског(о), о кн(я)зя резанског(о), о послане воиска до земли Московское, о обелженя посланцов г(о)с(по)д(а)ръских, о упоминки еtс.

 

Великое орды великому цару Магъмет Кгирею, брату н(а)шому милому от Жыкгимонта, Божъю м(и)л(о)стью котоля полского, великого кн(я)зя литовъского, руского, кн(я)жати пруского, жомоитьского и иных.

Што еси, брат наш, писалъ к намъ и гонца своего Саткожу прыслалъ, поведаючы намъ, ижъ ты, братъ н(а)шъ, к намъ в братстве и прыязни воgле прысяги своее твеpдо стоишъ, а воиско твое в целости все в руках твоихъ, з ласки Божъее, здорово, и на московъскомъ хочешъ дела своего доводити.

 А што кн(я)зь великии резанскии от московского к намъ прыехалъ у в отчызъну н(а)шу, Великое Кн(я)зьство Литовское, абыхмо его к тобе послали с посломъ твоимъ великим, з Чиен Кгиреи мурзою, а с Пир Зодою, а ты, братъ нашъ, хочешъ его на его отчызне1, // [100v] Великомъ Кн(я)зьстве Резанскомъ, посадити, а естьли быхмо его к тобе послати не хотели, мы быхмо к тобе отъпустили послов твоихъ великих, Чиен Кгирея мурзу а Пир Зоду, и прысягу н(а)шу тобе зложыли. И поведаем тобе, бтату н(а)шому, ижъ кн(я)зь великии резанскии прыехалъ к намъ на опасную нашу грамоту. В тои н(а)шои грамоте ему есмо выписали и доброволне к намъ прыехати, зася доброволне оть нас отьехати, где его будет воля, безъ всякое зачепъки, а силы и неволи намъ 2-ему никоторое ни в-2 чом не чынити. Ино мы ему мовили и радили, абы он к тобе, брату нашому ехалъ, и за тебе, брата н(а)шого ему есмо слюбовали, ижъ ты, брать нашъ его на его отьчызьне, Великомъ Кн(я)зьстве Резанскомъ, посадишъ, и он жадною мерою к тобе, брату н(а)шому ехати не хотелъ. И мы, его къ собе на впокои возвавшы, ему в томъ радили, ижъ ты, брать нашъ, водле писаня и обетьницы своее к нам то ему сполнишъ, а и нуды он жадною мерою никоторыми обычаи ко отчызьне своеи не можеть прыити, нижъли будеть ли ласка Божъя, а воля твоя, можеть твоею моцю царскою на отчызьне своеи быти. И бачачы есмо то, естли бы ты, брат н(а)шь, з Божъею помочю его на тои отьчызьне его посадилъ, тогды бы никому иному не была  добрая слава на обаполныи г(о)с(по)д(а)рьства толко тобе, брату н(а)шому. А коли в тебе, брата нашого он в рукахъ будеть, а доведаютца того достаточъне, его подданые резанцы безъ бытя твоего, брата н(а)шого сабли сами ся со всею отчызъною его тобе, брату н(а)шому дадуть, ты, брать нашъ, у том учынишъ его собе слугою, а черезъ его землю можешъ и того непрыятеля своего и нашого къ собе прывести в тую его повинъность, которая и перед тымъ къ ц(а)рскому твоему столцу от его предков бывала. Его есмо // [101(80)] Eго есмо на то намовили. Потомъ он к намъ прышол понедаючы, иж мает волю до тебе, брата н(а)шого ехати подъ тым обычаем, абы ты, брат н(а)шъ, ему далъ заставу, естли бы еси его на его отьчызне не посадилъ, абы еси его отпустилъ доброволне, а коли ты, брат нашъ, его отпустишъ, тогды и застава твоя в тебе мела бы быти, какъ же о томъ и послы твои, Пир Зада а Сат Хожа о томъ з резанскимъ кн(я)земъ перед нами мовили. Надевамы ся, иж Пир Зада о томъ до тебе, брата н(а)шого писал, и Сат Хожа о том словом тобе, брату н(а)шому поведить. Ты, брат наш, от них достаточъне тому порозумеешъ, и што воля твоя, брата нашого будет, абы еси о томъ без мешканя через листъ свои намъ далъ ведати. А што ся дотычет в томъ, ижъ есмо ег(о) к тобе не силою слали, але намоявляли, ты, брать нашъ, можеш самъ тому добре зрозумети, ижъ намъ не одно такъ знакомитому ч(о)л(о)в(е)ку, але и наменшому клеитов н(а)шыхъ не годит ся ламати, а силы и невол чынити. И ты бы, брать нашъ, в том иное надеи по нас не был.

Такеж писалъ к намъ слуга наш Остафеи Дашковичъ, и теж вказывал еси к нам черес дворанина н(а)шого Оникея Горностаевича, ижъ ты, брат нашъ, маешъ волю тягнут со всими своими воиски у землю непрыятеля н(а)шог(о) и своег(о), великого кн(я)зя  московского, о нашомъ святе хр(и)с(т)ьянскомъ, о Покрове3, а мы быхмо з другое стороны со всими н(а)шыми людми теж у землю московского тыгънули, а естли бы  сами не мели //  [101v] тягънути, и мы быхмо панов рад н(а)шыхъ со всими людми без выбору послали, а тобе быхмо, брату н(а)шому, тых часов о томъ ведомо дали. А ты, брат н(а)шъ, сына своего Богатыр солтана со всим своимъ воискомъ у землю непрыятеля н(а)шого московского хочеш послати, ино поведаемъ тобе, брату н(а)шому, ижъ мы, будучы того в надеи, ижъбы ты, брат нашъ, мелъ послати того лета в землю непрыятеля своего и нашого московского люди свои великии, мы для того воиско нашо все были собрали, и держали поготову на одъномъ местъцу, чувшы о твоихъ людех;з другое стороны мели есмо послати у землю того непрыятеля н(а)шого. Ино, коли ты, брат нашъ, тымъ се рокомъ опозънилъ, ачъ людемъ н(а)шымъ естъ с трудъностью такъ долго на одном местцу лежат, однако жъ есмо росказали воиска н(а)шого не роспускати, а, на одномъ местъцу мешъкаючы, всимъ поготову быти. А прото жедаемъ тебе, брата н(а)шого милого, абы еси сына своего Богатыр солтана со всими своими людми послал у землю того непрыятеля своего и нашого, а намъ о томъ далъ ведати в кототыи час сын твои, Богатыр солтан з воискомъ твоим у землю того непрыятеля н(а)шого мает втягънути, а мы в тотъ же час з другое стороны панов радъ н(а)шыхъ со всими н(а)шыми людми въ его землю пошълемъ. И верым тобе, брату н(а)шому, ижъ ты водле обетъницы и слова своего сына своег(о) Богатыр солтана з великимъ воискомъ у землю того непрыятеля своего // [102(81)] своего пошлешъ а посполъ з нами, братомъ своимъ дела своего и нашого на немъ будешъ доводити.

А што еси, братъ нашъ, писалъ к намъ о сына своего Каз Киреи солтана, ижъ тыми разы маешъ за него жону понят, абыхмо ему послали шубу добрую а пят золотыхъ черленыхъ, ино, брате, паметъно тобе самому, ижъ наша умова с тобою, братомъ н(а)шымъ на томъ зостала, штожъ есмо мели тобе  давати в кожъдыи год петнадцатъ тисяч золотыхъ, а ты мелъ отъбывати сынов, и мурзъ, и влановъ своихъ, а што ся дотычет сына твоего старшого Богатыр солътана, ижъ мы ему упоминки немалыи а часто посылаемъ, ино он, будучы пры тобе, брате н(а)шомъ, намъ прыязьни много чынилъ и чынит, и працы своее не жалуетъ, и до  сына есмо твоего Казь Кирея писали, ажъбы он такъже, будучы пры тобе, отцы своемъ, такожъ намъ прыялъ и дела н(а)шого стерег, и коли по немъ таковую прыязьн узънаемъ, мы, какъ дастъ Богъ, пошълемъ до тебе, брата н(а)шого, великого н(а)шого посла, мы такежъ его поминком н(а)шымъ слушънымъ обошълемъ.

Такежъ, брате, которыи твои послы твоих сынов, и мурзъ, улановъ твоихъ у нас бывают, мы их в достатъку въ ядени и питьи и великои почестъности ховаемъ, и, надаровавшы ихъ, до тебе, брата н(а)шого отъпускаем, и такъ ся надеваемъ, ижъ ты и вашы послы того вамъ не поведают, бо, ц(а)рю, можешъ тому гораздо верыти, ижъ намъ на то сума на год великая выходитъ. А которых мы послов н(а)шых // [102v] до тебе, брата н(а)шого посылаемъ, тыи послы и толмачы нашы нам жалуютъ, ижъ тамъ их у тебе, брата н(а)шого имаютъ и соромотят, и грабятъ, и бьютъ безъвинне, и в великои непочестности нашы послы у тебе, брата н(а)шого тамъ жывут. И, слышачы то, непрыятел нашъ тому ся радуетъ, а прыятел жалуетъ, а от обапол г(о)с(по)д(а)реи, братьи н(а)шое, намъ слава недобрая, легкостъ и жалостъ великая ся в томъ деетъ. Прото жедаемъ тебе, брата н(а)шого, ажъбы еси посломъ н(а)шымъ тое ганбы и соромоты намъ ку легкости и жалости не казалъ чынити, а ховалъ их у себе по тому жъ, какъ иншыи г(о)с(по)д(а)ри, братъя твоя, послов нашыхъ у себе ховаютъ.

Такежъ, брате, поведаемъ тобе, ижъ которыи послы твои и гонцы отъ тебе к нам ходятъ, и они, дорогою едучы, людеи, подданых н(а)шыхъ 4-нашых-4, бьють, мордуютъ, грабежы великии делаютъ, толко одно головами не ведуть. А мы, брате, в томъ терпливостъ великую маемъ для тебе, брата н(а)шого, а прото, абы еси тымъ посломъ и гонцомъ своим, которыи будутъ от тебе к намъ ходити, грозно прыказалъ, ажъбы они подданымъ н(а)шымъ таковых тяжъкостеи и грабежов не делали.

П(и)сан у Вилни, сен(тябра) 10 ден. Индик 11.

 

Источник:

113. Лист, писаныи до Магмет Кгирея ц(а)ря перекопског(о), о кн(я)зя резанског(о), о послане воиска до земли Московское, о обелженя посланцов г(о)с(по)д(а)ръских, о упоминки еtс. [1522.09.10] //

Lietuvos Metrika (Вильнюс: Изд. Институтата НЭ, 1997), 117-119.

Подг. Артурас Дубонис. Книга записей № 11 (1518-1523), 228 с. Обл. 1500 экз.