114. [1522].09.08

Лист,писаныи до кн(я)зя Обраимана татарына, о поимане посла г(о)с(по)д(а)ръского Ясмана, и о инших посланцов деспекты.

Жикгимонт // [103(82)] Жикгимонт.

Прыятелю н(а)шому кн(я)зю Обдърагъману.

Што пишешь к намъ, велико собе на нас отежаючы, абыхмо тебе, прыятеля н(а)шого старого, опустили.Ино што ся дотычет тебе, прыятеля н(а)шого, мы тебе николи в прыязьни н(а)шои не опушчали, а впоминки нашы тобе есмо посылали послы нашыми, а слугь твоихъ, которых к намъ посылаешъ, мы вчестовавшы и жаловане нашо завжды давшы, к тобе отпущаем. Не маешъ ты о што в томъ на нас, прыятель нашъ старыи, отежати.

Нижли нашъ жал на тебе, прыятеля н(а)шого, ижь ты посла нашого Ясмана тамъ поималъ, и ковалъ за Михаила. Непрыятели н(а)шы то слышавшы тому ся радують, прыятели жалують, ижъ ты таковую славу на вси обаполныи г(о)с(по)д(а)рьства, намъ жалость, еси вчынил, чого жъ мы по тобе, прыятели н(а)шогмъ не надевали. А Михаило подле н(а)шого росказаня, што могъ мети сукон тобе послалъ, а досталъ сукон тежъ опосле послалъ, и ты бы, прыятел нашъ, в перед намъ таковое жалости не чынилъ, а з Михаиломъ в томъ милосердне вчынилъ, для нас не обтяжаючы его кганжи.

Такежъ поведаемъ тобе, прыятелю н(а)шому, ижъ послы нашы, и гонцы, и толмачы, которых посылаемъ до брата нашого, волного ц(а)ря, намъ жалуютъ, штожъ деи их тамъ, у в Орде бьют, и соромотять, и грабят, великая соромота и легость тамъ ся имъ дееть, и вер тому ты, прыятел нашъ, ижъ которых слугъ нашыхъ наменуемъ здеся, тамъ, до брата н(а)шого послати, кажъдыи намъ чоломъ бьеть, абыхмо ихъ тамъ не слали, радне деи, г(о)с(по)д(а)рь нашъ, туть в казнь свою посади, нижли быхмо тамъ в таковую беду и соромоту ехали. А прото жадеемъ тебе, прыятеля н(а)шого давного, абы еси // [103v] о томъ с цесаремъ розъмовилъ, и в томъ ся до ц(а)ря прычынилъ, абы таковое ганбы посломъ нашымъ ку легости и жалости намъ не было, бо мы и до иных г(о)с(по)д(а)реи, обаполныхъ суседов н(а)шыхъ, какъ до ц(а)ра турецкого, и до цесара, и до иных г(о)с(по)д(а)реи, братьи н(а)шое, пословъ и гонцовъ н(а)шыхъ посылаемъ, а везде пословъ н(а)шыхъ и гонцовъ в почестности мають. И верымъ тобе, прыятелю н(а)шому, ижъ ты, памятуючы прыязнь свою старую к намъ, на то ц(а)ра намо[ви]шъ, ижъ черес то вже болшыи того н(а)шымъ посломъ и гонцомъ, и толмачомъ тамъ таковое соромоты и жалости намъ деяти ся не будет.

П(и)сан у Вилни, сен(тябра) 8 ден.Индик 11.

Источник:

114. Лист,писаныи до кн(я)зя Обраимана татарына,о поимане посла г(о)с(по)д(а)ръского Ясмана,и о инших посланцов деспекты. [1522].09.08 //

Lietuvos Metrika (Вильнюс: Изд. Институтата НЭ, 1997), 146.

Подг. Артурас Дубонис. Книга записей № 11 (1518-1523), 228 с. Обл. 1500 экз.