136. 1522.11.29

Вырок Улриху Гозу, городничому виленскому, зъ мещанкою виленскою Яновою Катериною о част дому на Немецкои улицы, куплю его у матки ее.

Жикгимонт // [118(97)] Жикгимонт.

Смотрели есмо того дела.

Стояли перед нами очывисто, жаловал намъ городничыи виленскии, минцар нашъ, пан Улрихъ Гоз на мешчанку виленскую Яновую Катерыну в томъ, штожъ деи он купилъ въ матьке ее часть дому ее в месте н(а)шомъ Виленскомъ на Немецкои улицы, и мы часть того дому потвердили ему н(а)шымъ прывилемъ водле купъли его, и на то он прывилеи нашъ перед нами вказывалъ. А тая деи Катерына тую част в мене отъняла и держыть оть колка леть, нет ведома которымъ обычаемъ. И тая Катерына перед нами мовила, ижъ она тому не сведома, которымъ обычаемъ он то купилъ.

Ино мы городничого пры томъ потвержени н(а)шомъ зоставили, нижъли маеть он листъ купъчыи на часть того дому положыти на ратушы перед воитомъ и бурмистромъ, и радцы места Виленского. А воить з бурмистры и радцы мають то межы ними розознати подле части купъли его, и водле права их маитбарского.

П(и)сан у Вилни, под лет Бож[его] нарож[енья] 1000 пятсотъ 22 м(е)с(е)ца нояб(ра) 29. Индик 11.

Источник:

136. Вырок Улриху Гозу, городничому виленскому, зъ мещанкою виленскою Яновою Катериною о част дому на Немецкои улицы, куплю его у матки ее. [1522.11.29] //

Lietuvos Metrika (Вильнюс: Изд. Институтата НЭ, 1997), 131.

Подг. Артурас Дубонис. Книга записей № 11 (1518-1523), 228 с. Обл. 1500 экз.