141 1522.
12. 03
Вырок капитуле виленскои з
воеводиною виленскою, п(а)ни Миколаевою Миколаевича Радивиловича, п(а)нею
Алжбетою, о озеро Норочо, и о пушчу под Мяделомъ. // [122v]
Смотрели
есмо того дела с паны радами н(а)шыми.
Стояли
передъ нами очывисто, жаловали намъ каноники и вся капитула костела светого
Станислава у Вилни на воеводиную виленскую, канцлеровую н(а)шу, пани Миколаевую
Миколаевича, 1-п(а)ни-1 Галжбету, тымъ обычаемъ. Держытъ
деи она озеро н(а)шо костелное на имя Норочъ и пущу н(а)шу, а предокъ деи
н(а)шъ, великии2 Жикгимонт тое озеро и тую пущу далъ, и на вечъностъ записал предкомъ ихъ ку костелу
светого Станислава у Вилни. И на то прывилеи великого кн(я)зя Жикгимонта передъ
нами вказывали. Ино в томъ прывили выписано, ижъ тое озеро и пуща пры иных
данинахъ на тотъ костелъ имъ дано. И пани воеводиная передъ нами мовила, ижъ з
давныхъ часов, какъ ещо кн(я)зь Корыбутъ Мядело держалъ, а потомъ пан Андреи
Саковичъ за отца н(а)шого Казимира, короля его м(и)л(о)сти, къ его м(и)л(о)сти
руце они тое озеро и пущу к Мяделу держали, а потомъ отец н(а)шъ Казимир, король
его м(и)л(о)стъ, отъцу ее небожъчыку пану Богдану, воеводе твоцкому, Мядело
далъ на вечъностъ со всимъ с тымъ, какъ пан Андреи Саковичъ держалъ, ничого на
себе не выимуючы, и прывилем своимъ то ему потвердилъ, он такъжо тое озеро и
пущу к тому именю держалъ. А по немъ пани Богъдановая, матъка ее з другимъ
мужомъ своимъ, небожъчыкомъ паномъ Миколаемъ Радивиловичом, воеводою виленскимъ,
и по них мужъ ее небожъчыкъ пан Миколаи Миколаевичъ, воевода виленскии, и она
сама то в держани и пожывани мели ажъ до сихъ часов. И на то тежъ пани
воеводиная, ее м(и)л(о)стъ, прывилеи, данину отца н(а)шого, передъ нами
покладала, ино в томъ прывили стоитъ, што оцу ее небожъчыку, пану Богдану Мядело
дано и с озеры, и с пущами, и со всимъ с тымъ, какъ пан Андреи Сакович держалъ.
И ставила // [122(101)] И ставила пани воеводиная передъ нами шапъку на светки
з десяти тисячъ копъ грошеи, ижъ то здавно держано з руки отца н(а)шого
Казимира, короля его м(и)л(о)сти, к Мяделу, а потомъ отецъ н(а)шъ Мядело со
всимъ с тымъ дал отъцу ее, и отец ее и матъка, и по нихъ она з мужомъ своимъ то
во впокои мели, а впоминаня и вступу каноницкого николи в тое озеро не было. А
к тому мовила перед нами пани воеводиная, ижъ многии панове и иншыи подданыи
н(а)шы на именя листы прывиля великого кн(я)зя Жикгимонта в себе маютъ а именеи
не держатъ, а они, маючы на то в себе прывиля, а предъкомъ ее и еи самои о томъ
николи ся не вспоминали, и того в держани за тымъ прывилемъ не были. И къ тому
мовила пани воеводиная, ижъ они того озера под одъною мною ищутъ, а в томъ тежъ
озере пан виленскии, староста жомоитскии, пан Станиславъ Яновичъ мает уступъ, некоторую
частъ и берегъ, а в тои пущы, которое ищутъ, естъ люди г(о)с(по)д(а)ра короля, его
м(и)л(о)сти, села Марковъского повета, и дан г(о)с(по)д(а)ру королю, его
м(и)л(о)сти, з давныхъ часов и нине до ключа виленского даютъ. Естъли бы они
того озера подо мъною зыскали, тогда бы они и под нами, г(о)с(по)д(а)ремъ, людеи,
и под паномъ виленскимъ некоторое части того жъ озера тежъ зыскали. И каноники
передъ нами мовили, ижъ они предкомъ ее о томъ ся впоминали и того не млчали, какъ
же деи, на жалобу н(а)шыхъ предъковъ, светое памети Казимир, корол его
м(и)л(о)стъ, высылалъ тамъ судею о тое озеро нас смотрети воеводу виленского
Олехна Судимонтовича з ыншыми паны, и того н(а)шы предки не молчали, а в томъ
ся впоминали, и на то покладали перед нами листы под печатми некоторых подданых
н(а)шыхъ, ижъбы они пры томъ месте были, коли пан Олехъно тамъ выежъчалъ.
Ино мы
тому порозумевшы, и ведело ся намъ и паномъ радамъ н(а)шымъ, естъли бы они мели
на то листы предковъ н(а)шых, або //[122v] або н(а)шы, то бы имъ за
въпоминане было, а за таковыми листы подданых н(а)шых не видело намъ, ижъбы они
3-собе-3 за слушъное впоминане мели, и для тых прычых за
прывилемъ отца н(а)шого и за давностъю пани воеводиное дали есмо еи на то довод
чынити годными светки. И пани воеводиная поставила светковъ передъ нами, кн(я)зя
Воитеха а кн(я)зя Андрея Юхновичов, а кн(я)зя Михаиовича, а бояр, Петра
Кутевича а Сенка Юшъковича, а Станислава Воитъковича, а Щегля Костянтина. Тыи
светъки перед нами поведили, ижъ з давныхъ часов, какъ ещо Мядело держалъ
кн(я)зь Корыбутъ и по немъ пан Андреи Саковичъ, тое озеро Норочъ к Мяделу
держали, к руце отца н(а)шого Казимира, короля его м(и)л(ос)ти, а потомъ Мядело
дано пану Богъдану, и тое озеро держано к тому именю во впокои и в пожываню, ажъ
до сих часов. А иные светьки поведили, ижъ от шести летъ 4-летъ-4
пометают, и тому добре сведоми, штожъ тое озеро отецъ пани воеводиное, пан
Богъдан к Мяделу держалъ во впокои, а пред тымъ деи дяди н(а)шы, кн(я)зи
Свирские, старшыми каноники тежъ бывали, а мы в нихъ мешъкивали, а въступу
каноницкого и впоминанья ихъ в тое озеро николи не слыхали.
И мы, тыхъ светковъ выслухавъшы с паны
радами н(а)шыми, того межы ними досмотревшы, в томъ пани воеводиную правую знашъли,
и тое озеро Норочъ еи и потомъкомъ ее прысудили на вечъныи часы. Нехаи она и ее
потомъки тое озеро и иныи речы со всимъ с тымъ держать, какъ у прывили отца
н(а)шого Казимира, короля его м(и)л(о)сти, выписано, и давность ее, и сведоства
тыхъ светковъ. Нижъли хочемъ мети, абы тое дане листу н(а)шого судового не было
ку шкоде н(а)шои г(о)с(по)д(а)ръскои, ани подданымъ н(а)шымъ тымъ, которыи
именя свои мают прылегълыи к тому именю або нижеи, або вышеи, то теж заставуемъ
подълугъ листу данины отъца н(а)шого Казимира, короля его м(и)л(о)сти, //
[123(102)] его м(и)л(о)сти.
П(и)сан у Вильни, подъ лет Бож[его]
нарож[енья] 1000 пятсотъ 22 м(е)с(е)ца декаб(ра) 3. Индик 11.
Источник:
141. Вырок
капитуле виленскои з воеводиною виленскою, п(а)ни Миколаевою Миколаевича
Радивиловича, п(а)нею Алжбетою, о озеро Норочо, и о пушчу под Мяделомъ. [1522.12.03] //
Lietuvos Metrika (Вильнюс: Изд. Институтата НЭ, 1997), 135-136.
Подг. Артурас Дубонис. Книга записей № 11 (1518-1523),
228 с. Обл. 1500 экз.