144. [1522].12.04

Прысяга панов рад и кн(я)жатъ, и панять, и шляхты, и всего посполства перед г(оспо)д(а)ремъ, королемъ его м(и)л(о)стью, будучы у Вилни м(е)с(е)ца дек(абра) 4 ден. Индик 11.

На имя рекъшы, прысягаю Б(о)гу и панне Марыи на сес светыи крыжъ на томъ, естли бы его жъ, Б(о)же вховаи, Богъ допустилъ смерть на г(о)с(пода)ра н(а)шого, короля его м(и)л(о)сти, мы наперед по жывоте его м(и)л(о)сти обираемъ собе и беремъ г(о)с(по)д(а)ремъ на вечъныи часы г(о)с(по)д(а)ра своего прыроженого, сына его м(и)л(о)сти, королевича Жикгимонта на Великое Кн(я)зство Литовское, ижъ маемъ его м(и)л(о)сти верне а справедливе служыти мы сами и дети н(а)шы. А мимо его м(и)л(о)сти королевича Жикгимонта иного г(о)с(по)д(а)ра не маемъ собе искати ани обирати. А хто бы ся хотелъ тому противити, мы маемъ пры г(о)с(по)д(а)ры н(а)шомъ, великомъ кн(я)зи литовском, королевичы Жикгимонте верне а справедливе стоят, и того моцно до горлъ нашыхъ боронити. А мы, воеводове и старосты, и горододержъцы тыи замъки маемъ к рукамъ его м(и)л(о)сти королевица Жикгимонта держати, а мимо его м(и)л(о)сти иному никому не поступовати, а с тыми замъки верне его м(и)л(о)сти служыт.

И естли то сполнимъ, Б(о)же намъ поможы, а естли того не сполнимъ, Боже нас убии всих векъ и въ будущыии.

Источник:

144. Прысяга панов рад и кн(я)жатъ, и панять, и шляхты, и всего посполства перед г(оспо)д(а)ремъ, королемъ его м(и)л(о)стью, будучы у Вилни м(е)с(е)ца дек(абра) 4 ден. Индик 11. [1522].12.04 //

Lietuvos Metrika (Вильнюс: Изд. Институтата НЭ, 1997), 138.

Подг. Артурас Дубонис. Книга записей № 11 (1518-1523), 228 с. Обл. 1500 экз.