157.                                                                                                    [1501-1506]

 

            Привилеи месту Веленскому на право маидеборское и иные волности. Доконченя нетъ.

 

            Во имя Боже. Амин. Ку вечнои памяти дела.

            Мы, Александръ, Божъю м(и)л(о)стью корол полскии, великии кн(я)зь литовскии, рускии, кн(я)же пруское, жомоитъскии 1- и  иныхъ -1.

            Явъно чынимъ симъ н(а)шымъ листомъ кому слушно, всимъ посполито какъ нине, такъ и помотъ будучымъ, житъ, хотячы осмотрети, штобы место нашо Веленское в людех и в обыходех своих множыло ся, право реченное немецкое маитборское преречоному месту н(а)шому Веленскому и всимъ тымъ, которыи усхотят у томъ месте садити ся, ижъбы за н(а)шого щастного панованя н(а)шою ласкою и жалованемъ ку множеню людеи, ижъбы могло пожыточне шырыти ся, перворечонное место нашо 2- Виленское –2 и всимъ мащаномъ нинешънимъ и напотомъ //[134(113)] и напотомъ будучымъ в немъ, право немецкое, што слывет маитбарское, даем и даруемъ, и записуемъ у вечъность во всихъ прыгодах и разделахъ, и толкованеи во всихъ члонкахъ такежъ держати, какъ жо и место нашо Виленское и Ковенское и иныи места н(а)шы право немецкое маитбарское держать, выимуючы и отдаляючы вси иныи права полски и литовскии, и рускии и вси обычаи и иныи, которыи жъ бы были на переказе праву тому немецкому маитабарскому.

            Такъже выимаемъ и вечъно вызволяемъ вси мещане того н(а)шого места Веленского и ото всякого права и моцы, и отъ насилокъ всих у панстве н(а)шомъ, у Великомъ Кн(я)зьстве Литовскомъ, от врадниковъ н(а)шыхъ и судеи.Такежъ передъ нами або перед которымъ з них у делех у великихъ и о малыхъ, о злодеиства, и о розливаня крови, мужобоиства, о пожогу, о втетья члонковъ и о иных всихъ проступках позъваны не мают отъповедати, ани суть объвязани которых вин платити, але мещане перворечонного места н(а)шого толко перед их воитомъ, которыи того часу будет, а воит толко перед нами и то, коли бы былъ позъван через нашъ листъ под нашою печатю, 3- тогды –3  не иначеи, толко их жо правомъ немецкимъ маетъ отповедати. А в делах головныхъ и в ыншыхъ все[х] вышеиписаныхъ давамы воиту суполную моц судити и осудити, карати и стинати, и на кола бити, и потопити, якое жъ тое право немецкое маитбарское во всихъ своих разделехъ и члонкахъ держыть и жедаеть. А з вин местъскихъ маетъ на нас быти два грошы, а воиту и з бурмистры третии грошъ, и с того третего гроша воиту две части, а бурмистром третяя.

            Такежъ вызволяемъ тое место нашо преречоное з дачок и податеи неслушъных, которыи ново перед  тымъ от врядников н(а)шых на тое место положены били, якожъ в томъ н(а)шомъ // [134v] прывили менованы суть. Напервеи, вызволяемъ тое н(а)шо место от дякол и отъ сена подяколного, и от пенязеи тых, которыи за дяклы врадникомъ н(а)шымъ идуть, и теж и подводъ под пословъ, и под гонцов н(а)шых не давати, и з врадникомъ н(а)шымъ и с слугами его у подводу не ходити, и конеи его не стеречы, а в дворе н(а)шомъ Веленскомъ имъ не стеречы, выменяючы нашого прыезду г(о)с(по)д(а)ръского, а съ сокерою имъ на дело не ходити, и сена не косити, а в вагу и в померное, и в ятки врадникомъ ся н(а)шымъ не вступати, ни иныхъ никоторых дачокъ не прыбавляти. А з моцы и з судов врадников нашыхъ их вызволяем. Нижъли мают они намъ с того места давати в каждыи год по трыдцати золотых, а платъ корчомъныи подле давного обычая, а серебъщыну и ордынщыну по тому, какъ и з ыншыхъ н(а)шых местъ дают. А к тому тежъ мают намъ давати, коли мы прыедем к Велене, по бочце овса, а будет ли мало, ино по две, а сена иле потреба. И тежъ дозволили есмо имъ брати дерево на будоване домов своих и двора, а не продавати, в томъ селе межы людеи кухмистра н(а)шого, пана Петровых Олехновича и панее Пашкое, где бы зверу н(а)шого не было, а ловомъ пущы н(а)шое не шкодно. А к тому тежъ дозволили есмо им подле места, на нашои земли люди садити и горою, и по доломъ, и дозволили есмо имъ выгоны мети тамъ, где перед  тымъ мевали на н(а)шои жо земли.

            Тежъ, для лепъшого потверженя места Веленского и мещан всих, давамы и даруемъ преречонному месту вси клетки и ятки мясныи, которыи нине суть и напотомъ могуть прычынены быти ку полепъшеню местскому, со всими пожытки и доходы, и воскобоиню на збиване // [ 135(114)] на збиване воску, и вагу, и померное, и тежъ пострыгане сукон колко их может быти в месте, тежъ зложене шынкованья пива и меду, и вина, которая ж н(а)шымъ языкомъ зовет ся …4  // [135v]

Источник:
157.
Привилеи месту Веленскому на право маидеборское и иные волности. Доконченя нетъ. [1501-1506] // Lietuvos metrika (Вильнюс: Изд. Институтата НЭ, 1997), 146.
Подг. Артурас Дубонис.
Книга записей № 11 (1518-1523),
228 с. Обл. 1500 экз.