51. 1518. 12. 15

Лист пану Авраму Езофовичу на держане мыта старого берестеиског(о) etc. до осми летъ, для выбраня сумы ему винъное, осми тисечеи копъ грошеи etc.

Жикгимонт, Божю м(и)л(о)стью…

Чинимъ явно тымъ то нашимъ листомъ, што есмо, з умыслом и порадою всихъ пановъ рад наших Великого Князства Литовского, ку великои потребе // [51(28)] потребе нашои и земъскои, а наболеи для заплаты служебныхъ н(а)ших за их службу, будучи намъ на великом соиме у Вилни лета Божъего тисяча пятсот четвертогонадцать, взяли есмо в подскарбего нашого земъского, старосты ковенского, ^1-п(а)на^-1 Аврама Езофовича чотыры тисячи копъ грошеи монеты Великого Князства Литовского, в которои же суме п(е)н(я)зеи дали есмо ему держати комору нашу берестеискую восковую и соляную, которую жъ мел онъ держати и ее вживати до тыхъ часовъ, поки мы або наши наследки тую чотыри тисячи копъ грошеи сполна ему заплатимъ. А потом лета Божего тисяча пятсотъ шостогонадесят м(есе)ца июня осмогонадцать дня, индикта четвертого, уступивши в постъ светого Петра, на пятои недели перед св(е)тымъ Яномъ, в середу давал намъ личбу вышеиреченыи подскарбии нашъ земъскии, ^2-пан^-2 Аврамъ Езофовичъ перед всими паны радами нашими у Вилне, и от тое личбы остали винни есьмо ему семъ тисячеи копъ и семъсотъ копъ грошеи, и трыдцать копъ и две копе грошеи, на што есмо ему и вызнанье нашо дали, и он в томъ собе частъ заплаты вчинилъ. А чотыры тисячи коп грошеи над то есмо ему еще винни.

Ино всего того с первою вышеиречоною сумою остали есмо ему винни осмъ тисячеи копъ грошеи монеты Великого Князства Литовского, в которои же суме тых осмъ тисячи копах грошеи дали есмо ему мыто нашо берестеиское со всими мыты старими, какъ было за отца нашого, Казимера, короля его м(и)л(о)сти, з городенскимъ а дорогицкимъ, з белскимъ, с каменецкимъ, з мелницъкимъ, што по дорогамъ и на перевозе сут, которые перед тым здавна за отца нашого к тому мыту берестеискому прислухали, и теж комору берестеискую восковую и соляную. Мает он тое вышеи-// [51v] речоное мыто берестеиское и комору восковую и соляную в тои суме, в осми тисячехъ копах грошеи почати держати от Трех кролевъ приидучих, которое свято будет индикта семого³, осмъ годов до того ж свята Трех кролев, которое будет индикта девятого⁴, на каждыи год по тисячи копъ грошеи. А в тую осмъ годовъ с того мыта и коморы не маем мы и п(а)нове рады н(а)ши, безъ бытности н(а)шое у Великом Князстве Литовском, в него ничого брати на наши потребы земские, ани на отправу и на страву послом, и гонцомъ, ани на квитацыях никоторых отправъ ани данин, ани листов безмытных никому не маем давати. А естли быхмо кому листы наши безмытные дали, в которых бы он на тые листы наши мыта не взял, то он мает нанасъ писати и то намъ на личбе положить, а мы маем ему то заплатити. Нижли он тую осмъ годов тое мыто и комору все сполна мает на себе держати и его вживати, а нам в то ни во што ся не вступати. А естли бы ся над нимъ Божя воля стала, ино, кому он по животе своем полетит або прикажеть тое мыто и комору восковую и соляную держати, тот мает за тые п(е)н(я)зи, осмъ тисячеи копъ грошеи, тую осмъ годов того мыта и коморы держати с покоемъ, со всим по тому, какъ бы он мел сам держати, а намъ ся ни во што не вступали. А естли, Боже не даи, которая сказа от непрыятеля або от поветрея ся пригодила, которыи жо бы часъ пожитъку с того мыта и коморы не мел, тогды тотъ часъ в заплату ему быти не можеть и для того шкодовати не маеть, то теж маеть ему наполнити. А какъ тая осмъ годов выидет, тогды тое мыто и комора вжо мает приити к нашымъ рукамъ г(о)с(по)д(а)ръскимъ. Мы будем волни к нашому пожытъку и земъскому куды хотячи то обернути. А на твердость того и печать⁵ // [52(29)]⁶ и печать нашу казали есьмо прывесити к сему нашому листу.

П(и)сан в Берестьи, лета Божъего тисяча пятьсотъ осмогонадъцать м(е)с(е)ца дек(абра) 15 день. Инъдикъ 7.

Жыкгъмунтъ, корол знаменуем.

Богушъ Б[о]говитыновичъ.

Источник:

51. Лист пану Авраму Езофовичу на держане мыта старого берестеиског(о) etc. до осми летъ, для выбраня сумы ему винъное, осми тисечеи копъ грошеи etc. [1518.12.15] //

Lietuvos Metrika (Вильнюс: Изд. Институтата НЭ, 1997), 73-74.

Подг. Артурас Дубонис. Книга записей № 11 (1518-1523), 228 с. Обл. 1500 экз.