69. [1519]. 06. 03

Привилеи мытнику берестеискому Михелю Езофовичу на держане мосту в Дорогичине, на реце Бузе, через него збудованого, з мытом мостовым, и с корчмою до его живота, а по его смерти детем его всимъ, до их животовъ.

Жыкгимонт.

Чинимъ знаменито и далеи.

Бил намъ чоломъ мытъникъ берестеискии Михел Езофовичъ о томъ, штож есьмо перво сего дозволили ему у Дорогичыне, на реце на Бузе мость справити за ег(о) властныи // [62v] пенязи в тымъ месте, где перевозъ былъ. И казали ему на томъ мосту мостового брати отъ купецкого воза по полугрошу, а от жывотины продажъное по два пенязи, а окромъ купъцовъ не мялъ онъ ни отъ кого на мосту мостового брати, нижли которыи люди н(а)шы и земъскии Дорогицкого повета здавъна даивали на перевозе збожъе, и тыи люди по тому жъ мяли мостовое збожъемъ давати, такъжо которыи купъцы будутъ лете у брод, а зиме на лед езьдити, а не на мостъ, с тыхъ куцовъ не мел и он ничого брати. А мешчане дорогицкии, в кожъдыи годъ давъшы ему з дому по грошу, мели доброволне и с коморники своими, которыи въ ихъ доме коморами мешъкаютъ, через тотъ мост его ездити иншого никоторого мостового ему не даючы, и то естли будеть перед тымъ на перевоз з дому по грошу даивали; а которое мыто здавъна на нас тамъ хожывало, з воза по грошу, тое мыто пред ся казали есмо на насъ брати. И к тому тежъ дозволили есмо ему на тои стороне Буга, по конец мосту домъ будовати для сторожы, и корчму волную в томъ дому мети до воли нашое. А тотъ мостъ и мостовое отъ купъцовъ брати дали есмо ему до его жывота. И на то он листъ данину нашу перед нами вказывал, и билъ намъ чоломъ Михел Езофовичъ, абыхъмо по его жывоте тотъ мостъ и с корчмою дали детемъ его всим до ихъ жывотовъ.

Ино мы, памятаючы ег(о) поволныи заслуги к брату н(а)шому, королю его м(и)л(о)сти, Александру, и къ намъ, ижъ он часу потребы н(а)шое статъку ^1-своего^-1 не лютовалъ, з ласки нашое, на ег(о) чолом // [63(42)] на его чоломъбитъе то вчынили, тотъ мостъ у Дорогичыне, на реце на Бузе и с тымъ мостовымъ, какъ вышеи в семъ листе нашомъ выписано, и с корчъмою, што по конец того мосту, по его жывоте даемъ детемъ всимъ до ихъ жывотовъ. А на твердост того и печатъ н(а)шу казали есмо прывесити к сему н(а)шому листу.

П(и)сан у Кракове, июн(я) 3 день. Инъдикъ 7.

Копот Васкович, писаръ г(о)с(по)д(а)ръскии.

Источник:

69. Привилеи мытнику берестеискому Михелю Езофовичу на держане мосту в Дорогичине, на реце Бузе, через него збудованого, з мытом мостовым, и с корчмою до его живота, а по его смерти детем его всимъ, до их животовъ. [1519].06.03 //

Lietuvos Metrika (Вильнюс: Изд. Институтата НЭ, 1997), 84.

Подг. Артурас Дубонис. Книга записей № 11 (1518-1523), 228 с. Обл. 1500 экз.