156. 1526 11 [04]
Лист кн(я)зя великого московского перемирныи до шести
летъ с королем его м(и)л(о)стю Жикгимонтомъ
Мы, великии г(о)с(по)д(а)ръ Василеи, Божею м(и)л(о)стью г(о)с(по)д(а)ръ всея
Руси и великии кн(я)зь володимерскии, новъгородскии, пъсковскии, резаньскии,
тферскии, югорскии, перъмъскии, болгарскии и иных. Что прысылал до насъ тотъ
брат н(а)шъ, великии г(о)с(по)д(а)ръ Жыкгимонт, Б(о)жею м(и)л(о)стью корол
полскии, великии кн(я)зь литовскии, рускии, кн(я)жа пруское и жомоитскии, и
мазовецъкии и иных, послов своих, воеводу полоцького, старосту дорогицкого, п(а)на
Петра Станиславовича, а подскарбего
земъского, маршалъка своего, старосту слонимъского и каменецъкого, пана
Б(о)гуша Б(о)говитиновича, о миру и о доброй смолве. И то межы нас с тобою, братомъ
нашымъ, з великимъ
г(оспо)д(а)ремъ, з Жыкгимонътомъ,
королемъ и великимъ кн(я)зем, н(ы)не не стало ся. И послы твои,
брата н(а)шого, говорыли намъ от тебе,
брата н(а)шого, отъ великого г(о)с(по)д(а)ря Жыкгимонта, короля полского и
великого кн(я)зя литовского и руского, чтобы мы взяли с тобою перемире на шест лет на то, чтобы намъ в те
перемирные лета межы собя рати и
войны не замышляти, а
слати намъ
в тых летах межы собя на обе стороны своих великих послов, которые межы нас то
дело могуть делати. И мы с тобою, з братомъ своимъ, великимъ г(о)с(по)д(а)ремъ Жыкгимонтомъ,
королем и великимъ кн(я)земъ, перемире взяли на шесть лет от Р(о)ж(де)ства Хр(и)стова лета семи тисячъ трыдцат пятого
до Р(о)ж(де)ства Хр(и)стова лета семъ тисящъ четырдесятъ перъвого на то, что
тебе, брату н(а)шому, великому г(о)с(по)д(а)рю Жыкгимонту, королю и великому
кн(я)зю, в тых перемирные лета, в шесть летъ, н(а)шых земль не воевати, ни зашпліати ничымъ: Московское
земли, и Новагорода Великого и волостеи Ноугородских, Навъгородское земли всей,
Пскова и Пъсковское (Пъскодское – rankr.) земли всех, и Тверские земъли всих, и
Переславляb (Пересладло – rankr.)
Резянь|| [178v]ского и Разаньское
земъли всих, и Проньска и Проньское земли всихъ не воевати, ни зацъплiати ничымъ. Такъже
тобе, Жыкгимонъту, королю и великому кн(я)зю, и тых н(а)ших городов и волостеи,
и земль не воевати, и не зацепляти ничымъ в те перемирныи лета: города Рылска с
волостми; города Путивъля с волостми; города Новагородка [Северского] с
волостми; города Радо[го]ща с волостми; города Чернигова з волостми; города Стародуба с
волостьми; города Почапа с волостьмы; города Гомъя с волостьми; города Поповъ
Горы с волостьми; города Карачова с волостьми и волостем Хотимъля, Сновска,
Хоробора, Мглина, Дрокова, и сел Уваровичъ, Телешовичъ, Теремичъ, Кошелева
Леса, Морозовичъ, Липининъ, Скарбовичъ, Залеся, Бабич, Светиловичъ, Голодна,
Лапичъ, Полшанъ. Такъже тебе и тех н(а)шых городов не воевати и не зацеплять
ничымъ, которьше за н(а)шыми слугами и за кн(я)зьми: города Трубъческа с
волостми; города Масалска с волостми; города Рославъля с волостьми, а рубежъ
городу Рославлю со Мстиславълемъ - промежъ Словнива да Шъбнева к Гъне[вко]ву, Доброю речкою
на Водонос, а отъ Водоноса Доброю жъ речкою в Остръ через Великии Боръ в реку в
Шумячу, к Стрекуле, к рубеже крычовскому, и от Крычова городу Рословлю рубеж
река Шумяшъка, а Шумячою в реку Немелицу, а з Немелицы старымъ рубежамъ къ
Заборю в Ыпутъ реку, да на низъс (нимъ – rankr.) Ипутю къ Хмелю;
города Смоленска с пустьми и з волостми, что къ нему тягънет, и волостем Еловца,
Болбанич, Лазаревъщыны, Пустоселя, Романовского, Копотковичъ, Молофы все[е],
что к неи потягъло, и Петровского Держанья, Кутева, и Зверовичъ, Дубровиньского
Пути, Катыни, Каспли, Поріачу,
Руды, Щучъи, а рубежъ
Смоленску и волостемъ Смоленьскимъ з Дубровъною и с Романовымъ, и з Горами, и со Мстиславлемъ - от Днепра, ниж города
Смоленьска, рекою Мереею верхъ меж Пр(е)ч(и)стые, Взруба и Зверовичъ в Ываку
реку, а из Ываки на Еленьскииd (сленьскии – rankr.) рубеж да въ Городню, а с Городнею во Ехру, в Черной Мох, а из Вехру в Прудильну, а из с
Прудилны в Железницу, а Железницею под
Дуденки въ Ве[х]ру, а из Верхры в Лютую Воду, || [179(144)] а из
Лютое Воды в Выпино, а из Випина в Сожъ,
а Сожемъ на низъе (нимъ – rankr.) въ Березыню, а Березынею уверхъ сухомъ промежъ сея Почына
и Гладкович по холмомъ, а отътуле х Пульневу, а за рекою за Днепром рубежъ
Смоленьску вниз по Днепру по рекеf (ренъ – rankr.) нижъ Климентиа С(вя)тогоg (а с того – rankr.) пят верстъ;
города Мыценьска с волостьми и городища Дмитровца; города Мещеска с волостми;
города Опакова
з волостьми и волостей
Залидова, Нед[о]ходова, Бышъковичъ, Лычына; города Вазмы и волостеи Вяземъских
всих, что к Вязме потягьло; города Дорогубожа и волостей Дорогубожских всих, что къ нему потягьло из
старыны; города Белые с волостми и Верховъ, а и Болшова, и Шопътова, и
Моневидовъ Слободы; кгорода Торобъца и всихъ Торопемких волостеи, а рубеж
Торопъцу и Торопецкимъ волостемъ, Данькову, Любуте, Дубне, Рожнеh (Вожне – rankr.), Туре, Бибиреве, Старцове, Нежелскои, Велижъское
волости, Платвецкои, Жыжецъкои, Озерскои,
Казырыновскои, и Новгородцъкимъ волостемъ, Лукамъ Великимъ, и
Пуповичемъ, и Ржеве, и городу Острыю, и волостемъ Березаю, Невълю, Усвою,
Ловъцу, Весьнебологу, и Холмъскому Погосту, и Велилем, и Лопастыцамъ, и Буицу и
инымъ волостемъ всеи земли Новъгородскои с твоею земълею с Литвою, и с
полочаны, и с видбляны земъли и воде -
по старымъ рубежемъ.
Такъже тобе, брату н(а)шому, великому г(о)с(по)д(а)рю Жыкгимонъту, королю
полскому и великому кн(я)зю литовъскому, и рускому, не въступати ся и не
воевати ничымъ в те перемирныи лета брата нашого, кн(я)ж
Юревых Ивановичаi (и пановича
– rankr.),
городов и волостеи, и города Серпииска
с волостми и волостеи Замошя, Тухачева, Дечныи, Фоминичъj
(Фоничиничъ – rankr.),
Погостища, Мощина, Демены, Городечны, Ужеперети, Снопота, Ковы[л]ну, Шую,
Лазарева Городища, Ближевичъ, Любуни, Даниловичъ; города Бранска с волостями и
волостем Соловевичъ, Прыкладнеи, Пацыни, Федоровъского, Осовика, Покинич,
Сухора, Всеславляk
(Свеславля – rankr.),
Ворыниц, Жерыни. А мне, великому г(о)с(по)д(а)рю Василю, Б(о)жьею м(и)л(о)стью
г(о)с(по)д(а)рю всея Руси, и великому кн(я)зю, твоихъl (твоимъ – rankr.) великого г(о)с(по)д(а)ря Жыкгимонта,
короля полског(о) и великого кн(я)зя литовского, и руского, земъль не воевати,
ни зацепляти ничымъ в те перемирные лета, города Киева с волостми, города
Канева с волостми, города Черкас с волостьми, || [179v] города Жытомира з волостьми, города Вручъя с волостми, города Любича с
волостьми, города Турова
с волостьми, города
Мозыра с волостьми да волости Бчыча, Брагина, Речыцы, Горволя, Стрешинаm (Стрешлны
– rankr.),
Чычеръска, Пропоиска, Могилева, города Мстиславля с волостми и волостей
Хотъславичъ, города Крычова с волостьми, города Дубровны с волостми и волостей
Гор, Романова, и города Орши с волостми и волостем Любавич, Микулина, и города
Витебъска, и волостеи Бруса, Дречих Лукъ, [У]св(я)та, Озерыщъ, города Полоцька и волостем Мошниковъn
(Мостникомъ – rankr.), Дрысы, Освия, Нещерды, Непротович, Вербиловы Слободы,
Кубкаo
(Кучка – rankr.), Вязма, Клинаp
(Илинa – rankr.), Ситнянъ, Лисъны,
Себежа, Замоша.
А которые плияные на обе стороне седіат покованы, и по тюрмамъ седіать покованы, и с
пленъных тіагость
вся сняти, а держати их в хоромехъ за сторожы, и лиху над ними, и хитрости
никоторой никакъ не быти. А которым с тых прыбежыт, ино того отьдати на обе стороны,
а зым местъца и с тых, которым
на пути, ино того волно крепити. И в ту шесть лет не отдадутьца пленъные на обе стороны, ина то перемире держати крепъко и неподвижно
до лет урочных, ш(е)сти леть, а обдадуться в ту шесть лет пленъные на обе
стороны, и намъ с тобою взяти перемире вперед на петнадцат
лет, а не соимутца тіагости с пленъных, и из тюремъ не выимуютъца, а учънуть держатися покованы и в тюрмах, и намъ с тобою
перемире держати
до году от Р(о)ж(де)ства
Хр(и)стова лета седмъ тисяч
трыдцат пятого до
Р(о)ж(де)ства Хр(и)стова трыдесят седмого.
А кого ты, брат н(а)шъ Жыкгимонтъ, корол, пошлешь своих
послов, и тымъ твоимъ послом прыехати к намъ и
отехати доброволно, без всякое зацепъки. Также кого мы пошлемъ къ тобе своих
послов, и н(а)шимъ послом [по] твоимъ земълямъ к тобе добро-волне прыехати и
отехати, безо всяких зацепокъ. А твоимъ купъцомъ изо въсих твоих земль во въсеи
н(а)шои земли прыехати со въсякихъ товаров [и торговати] на всяком товар, а
прыехати имъ и отехати доброволно, безъ всяких зацепокъ. А и нашымъ купъцомъ
изо въсих н(а)шых земль во въси твои земъли прыехати со въсякимъ товаром, и
торъговали на всяком товар. А прыехати имъ и отехати || [180(145)] без всякихъ зацепокъ.
Такъже которые посълы от иных г(о)с(по)д(а)реи отколе ли буди поидуть к намъ
черезъ твои земъли и гости с ними, и опрыч послов гости поидуть к намъ черезъ
твои земъли с какимъ товаромъ нибуди, и тобе у тех пословъ и гостеи товару не
отнимати, а пропущати тобе к намъ послов и гостеи со въсякимъ товаромъ через
свои земъли без всяких зацепокъ. Такъже и н(а)ши послы и гости, где они будуть, и тобе н(а)шых послов
и гостеи товару не отнимати, а пропущати тебе к нам н(а)шых послов и гостеи со
въсякимъ товаромъ черес свои земъли безъ всяких зацепокъ. А которые послы отъ
[и]них г(о)с(по)д(а)реи отколе нибудуть поидуть к вам через н(а)ши земъли, и
гости с какимъ товаромъ нибуди, и нам у тех послов и гостем товару не отнимати,
а пропущати и намъ к тобе тых пословъ и гостем со въсякимъ товаромъ через свои
земли без всяких зацепокъ. Такъже в(а)шы послы или гости куцы не поидуть от вас
или к вамъ через нашы земли с какимъ товаромъ нибуди, и намъ у тых в(а)шых
послов и гостем товару не отнимати, а пропущати намъ к тобе твоих послов и
гостем со въсяким товаромъ через свои земли без всяких зацепокъ.
А в те перемирные лета какова учынитца обида меж н(а)шых
кн(я)зеи [и людей] в земълях и въ водах, и в ыных каких обидных делех, и н(а)шы
кн(я)зи и наместьники, и волостели украинъныи сослався, да темъ обедным делом всимъ управу учынят
на обе стороны. А в каких обидных делех нашы кн(я)зи и наместьники, и
волостели не учынят управы и намъ о томъ сослати судеи. И они съехався да тем
обедным деломъ всимъ управу учынять на обестороне стороны без хитрости. А татя,
беглеца, холопа, робу, должника по исправе выдати; а даное, положоное,
заемъное, поручъное отдати.
А отіаидуть по семь перемирнымъ грамотамъ межъ нас урочные лета,
и розмерыца межъ нас учынитца, а в ту пору которыи твоей земъли купъцы или
послы прылучатца въ н(а)шых землях, и намъ тых твоих купъцов и послов не порубати, ни статковъ у них не
отнимати, а отпустити и нам ихъ всих доброволне со въсими их статки. А которым н(а)ши
купъцы или послы прылу|| [180v]чатца в ту пору в твоих земълях, и тобе нашых купъчовъ и
посъловъ такъже не порубати,
ни имати, ни жывотов
их у них не отънимати, а отпустити их всих доброволно со въсими их жывоты.
А на томъ на въсемъ, какъ в сеи перемирнои грамоте
писано, мы, великии г(о)с(по)д(а)ръ Василеи,
Божею м(и)л(о)стью
г(о)с(по)д(а)ръ всея Руси и вели[кий] кн(я)зь володимирскии, московскии,
новгородцкии, пъсковъскии, резаньскии, тверскии, югорскии, пермъскии,
болгаръскии и иных, целовали есьмо крест к тобе, брату н(а)шому, великому
г(о)с(по)д(а)рю Жыкгимонту, Божею м(и)л(о)стью королю полскому и великому
кн(я)зю литовскому, рускому, княжати прускому, жомоитскому, мазовецкому и иных, на том, что нам по сем перемирном грамоте до тех урочных ш(ес)ти лет тот
миръ держати крепъко по тому, какъ
в сем перемирнои грамоте писано.
Писанъ у Можаиску, 7000
трыдесять пятого
ноябра.
Источник:
156. Лист
кн(я)зя великого московского перемирныи до шести летъ с королем его м(и)л(о)стю
Жикгимонтомъ: 1526 11 [04] // Lietuvos metrika (Вильнюс: Изд. “Жара”, 2002), 38.
Подг. Артурас Дубонис.
Книга записей № 15 (1528-1538),
448 с. Обл. 1200 экз.