164.
1537 [iki 03 25]
То есть грамота
перемирная московъская, которую писаръ латиньскии, панъ Венъцыславус до
короля его м(и)л(о)сти прынесъ, с которое жъ копея слово отъ слова списана и до
пана воеводы виленьского имъ же посланаа
Мы, великии г(оспо)д(а)ръ Иванъ, Б(о)жю м(и)л(о)стью г(о)с(по)д(а)ръ всея
Руси и великии кн(я)зь володимерскии, московскии, и новъгородскии, и псковскии,
резаньскии, тферскии, югорскии, пермъскии, болгарскии и иныхъ.
Что прысылал до нас ты, брат н(а)шъ, великии
г(о)с(по)д(а)ръ Жыкгимонтъ, Божю м(и)л(о)стью
корол полскии и великии кн(я)зь литовскии, рускии, кн(я)же прускии и жомоитскии, и
мазовецъкии и иных, послов своих, воеводу полоцького, маршалъка своего, пана Яна
Юревича, да воеводу витебъского, маршалка своего, старосту волковыиского, пана
Матея Воитеховича, да писара своего Венъцлава Николаева, о миру и
о доброи смолве. И то межы нас с тобою, з братомъ н(а)шымъ, с великимъ г(о)с(по)д(а)ремъ з Жыкгимонътомъ,
королем, ныне [не] сталося.
И послы твои, брата
н(а)шого, говорили намъ отъ тобя, брата н(а)шого, отъ великого г(о)с(по)д(а)ря
Жыкгимонъта, короля полского и великого кн(я)зя литовского, и руского, чтобъ мы
взяли с тобою перемире на пят лет на
то, что намъ в те перемирныи
лета || [189v] межы собя рати и воины не замышляти, а слати намъ в те лета межы
собя на обе стороны своих великих пословъ, которые межы нас могут те дела
делати. И мы с тобою, з братомъ своим, с
великимъ г(о)с(по)д(а)ремъ Жыкгимонътомъ, королемъ и великимъ кн(я)земъ,
перемире взяли на пять лет от Благовещеньева д(ь)ни лета семь тисяч четырыдесят пятого до
Блоговещенева д(ь)ни лета семь тисячъ пятдесятого. На что тобе, брату н(а)шому,
великому г(о)с(по)д(а)рю Жыкгимонту, королю и великому кн(я)зю, в те перемирным
лета, в пят лет, н(а)шыхъ земъль не воевати, ни зацепляти ничымъ: Московское
земъли; Новагорода Великого и волостеи Новгородских, Новгородское земъли всее;
и Пскова и Пъсковское земъли всее; и города Себежа и Себежское волости; и
Тферское земъли всее; и Переславля Резаньского и Резаньское земъли всее; и
Проньска и Проньское земъли всее не воевати, ни зацепляти ничым. Такъже тобе,
брату н(а)шому Жыкгимонъту, королю и великому кн(я)зю, и тежъ нашых городов и
волостей, и земель не воевати, и не зацепляти ничымъ в те перемирным лета:
города Рылска с волостми; города Путивъля с волостьми; города Радогоща с
волостми; города Черънигова с волостми; города Стародуба с волостьми; города
Почепаb с волостми; города
Поповы Горы з волостми и волостеи
Залеся, Бабич, Светиловичъ, Голодни, Скарбовичъ, Лапичъ; города Карачева с
волостми и волостеи Хотимъля, Сновъска, Хо[ро]бора, Мглина, Дрокова; города
Трубъчева с волостми;с города
Серпииска с волостьми и волостеи Замошъя, Тухочева, Дегны, Фомининъ, Погостища,
Мощыны, Демены, Городечны, Ужеперети, Снопота, Ковылны, Шуи, Лазарева Городища,
Ближевичъ, Любуни, Данилович; города Бранска с волостми и волостеи Соловъевичы,
Прыкладне, Пацыни, Федоровского, Осовика, Покиничъ, Сухора, Всеславля,
Вороницъ, Жерына; города Рославля с волостми, а рубежъ городу Рославълю со
Мъстиславлемъ промежъ Словневаd- да Шибнева-d къ Гневъкову, Доброю
речкою на Водоносъ, а от Водоноса Доброю жъ речкою в Остръ черезъ Великии Бор в
реку в Шумячу къ Стрекуле, къ рубежу к кричевскому, от Крычева города Рославлю
рубежъ река Шумяча, а Шумячею в реку в Немалицу, а из Немелицы старым || [190(155)] рубежомъ къ Заборю, в
Ыпут реку, да на низ Ипутею къ Хмелю; города Смоленьска с пустьми и с
волостьми, что къ нему тiагьнеть, и волостем Еловца, Болванич, Лазаревщыны,
Пустоселя, Романовского, Копотковичъ, Молохъвы всеее, что къ неи потягъло, и Петровского f-Держания, Кутева-f, и Зверовичъ,
Дубровеньского Пути, Катыни, Каспли, Поречя, Руды, Щучьиg, а рубежъ Смоленьску
и волостемъ Смоленьскимъ з Дубровною и с Романовымъ, и зъ Горами, и со
Мъстиславълемъ отъ Днепра, ниже города Смоленьска, рекою Мерею въверхъ межы
Пречыстое, Взруба и Зверович в Ываку реку, а из Ываку на Еленьскии рубежъ, да в
Городню, а Городнею в Вехруh в Чорнои Мох, а из Вехры в Прудилну, а изъ
Прудилны в Железницу, а Железницею под Дуденьки [в] Въехру, а из Вехры в Лютую
Воду, а из Лютое Воды въ Выпино, а из Выпина въ Сож, а Сожемъ на низ въ Березыню, а Березынею въверхъ сухомъ,
промежъ сел Почына i-и Гладковичъ-i по холмомъ, а оттоле
к Пулневу, а за рекою за Днепъромъ рубежомъ Смоленьску вниз по Днепру по реке,
ниже Клеменътия Святого пять верстъ; города Моценьска с волостми и городища
Дмитровца; города Мещеска с волостми; города Опакова с волостьми и волостеи Залидова,
Недоходова, Бышъковичовj, Личына; города Вязмы и волостеи Вяземъскихъ всехъ, что
к Вязьме потiагъло; города
Дорогобужа и волостеи Дорогобужских всех, что к нему потягъло изъ старины;
города Белые с волостми и Верховъя, и Болшова, и Шопътова, и Моневидовы
Слободы; и города Торопъца и
всех Торопецъких: волостеи; города Велжа и Велижъскихъ волостем в рубежъ
Торопъцу и Торопецъкимъ волостемъ и Велижъскимъ, Данъкову, Любусте, Дубне,
Рожъне, Туре, Бибереве, Старцове, Нежелцкои, Плавеецкои, Жыжетцкои, Озероцкои,
Казарыновское, и Новъгородскимъ волостемъ, Лукамъ Великимъ и Пуповичамъ, и
Ржеве, и городу Острею, и городу Заволочю, и волостемъ Долысе и Березаю,
Невълю, Усваю, Ловцу, Веснебологу, и Холмъскому Погосту, и Велилеи, и
Лопастицам, и Буицу и инымъ волостемъ всее земъли Новгородскои з с твоею земълею с
Литвою, и с полочаны, и с ви[те]бляны земъли и воды, по старымъ рубежомъ.
А мне, великому г(о)с(по)д(а)рю Ивану, Б(о)жею
м(и)л(о)стью, г(о)с(по)д(а)рю всея Руси и великому кн(я)зю, твоих, велико[го]
г(о)с(по)д(а)ря Жыкгимонта, || [190v] короля полского и великого кн(я)зя литовского, и руского,
земел не воевати, ни зацепляти ничымъ в те перемирны[и] лета: города Киева з волостми, города
Канева з волостми, города
Черкаского з
волостьми, города
Жытомира з
волостьми, города
Вручоя с волостьми, города Любеча с волостьми, города Гомя с волостьми, и сел Уваровичъ,
Телешовичъ, Тереничъ, Кошелева Лесу, Морозович, Липинич, Полшан, города Турова з волостьми, города Мозыра с волостьми до волостей Пчыча,
Брагиня, Речыцы, Горволя, Стрешына, Чычерска, Пропоиска, Могилева, города
Мъстиславля з
волостьми и
волостеи Хотславич, города Крычева с волостми, города Дубровны с волостми и
волостеи и Гор, и Романова, и
города Оршы с волостми и волостеи Любавичъ, Микулина, города Витебъска и
волостеи Бруса, Дречихъ Лукъ, [У]свята, Озерыща, города Полоцька и волостеи Мошъников, Дрысы,
Освия, Нещорды, Непоротовичъ, Веръбиловы Слободы, Кубъка, Вязмаk, Клина, Ситнягь,
Лисны, Замошъя, Исца, Неведрея.
А кого к намъ ты, брат н(а)шъ Жыкгимонть, король,
пошълешъ своих пословъ, и темъ твоимъ посъломъ прыехати к намъ и отехати
доброволне, без всякое зацепъки. Такъже кого мы пошълемъ къ тебе своих послов,
и н(а)шымъ посломъ по твоимъ землямъ къ тобе доброволно прыехати и отехати безъ
всякихъ зацепокъ. А твоимъ купцемъ изо въсехъ твоихъ земел во въсе н(а)ши
земъли прыехати зо всякимъ товаромъ, и
торъговати на всякии товаръ, а прыехати имъ и отьехати доброволне, без всякихъ
зацепокъ. А нашымъ купъцемъ зо всехъ н(а)шыхъ земел во все твои земъли прыехати со
всякимъ товаромъ, и торговати на
всякои товаръ, а прыехати имъ и отехати доброволне, безъ всяких зашъпокъ.
Такъже которыи в(а)ши послы поидуть к вамъ черес н(а)ши земъли, l-и гости с ними, или
опрычъ послов гости поидуть к вамъ через н(а)ши земъли-l с какимъ товаромъ
нибуди, и намъ у тых послов и гостеи товару не отнимати, а пропущати намъ к вамъ пословъ и гостеи со въсякимъ
товаромъ через свои земъли, и без всяких зацепокъ. Такъже и н(а)шы послы и гости, куцы
ни поидуть от нас, или к намъ через твои земъли с какимъ товаромъ нибуди, и
тобе у тых || [191(156)] н(а)шихъ послов и гостеи
m-товару не отнимати, а
пропущати тобе к намъ нашыхъ послов и гостем-m зо въсякимъ товаромъ
через свои земъли, и безъ всякихъ зацепокъ. А которым послы отъ иных
г(о)с(по)д(а)реи откуды нибуди поидут к вамъ через н(а)шы земъли, и гости с
ними с какимъ товаромъ нибуди, и намъ у тых твоихъ послов и гостеи товару не
отнимати, а пропущати намъ к тобе тых послов и гостеи со всякимъ товаромъ через
свои земли безъ всякихъ зацепокъ. Такъже которым послы от иных г(о)с(по)д(а)рем
отъколе нибуди поидуть к намъ черес твои земъли, и гости с ними с какимъ
товаромъ нибуди, и вамъ у тыхъ послов и гостеи товару ни отнимати, а пропущати
тобе к намъ тых послов и гостеи со въсякимъ товаромъ через свои земъли безъ
всяких зацепокъ.
А в те перемирныи лета какова вчыниться обида межы
н(а)шых кн(я)зеи и людеи в земълях и въ водах, в ыных каких обидныхъ делех, и
н(а)шы кн(я)зи и наместьники, и волостели украиныи сослався, да темъ обиднымъ
деломъ у всимъ управу вчынят на обе стороне. А в каких обидных делех н(а)ши
кн(я)зи и наместьники,
и волостели не
вчынять управы, и намъ о томъ сослати судеи, и они зъехався да темъ обиднымъ
деломъ всимъ управу вчынять на обе стороне, без хитрости. А татя, беглеца,
холопа, робу, должника по исправе выдати, а даное, положеное, заемъное, поручъное отъдали.
А отоидуть по симъ перемирънымъ грамотамъ межы нас
врочъныи лета, розмирыца межы нас вчынитьца, в ту пору, которым с т[в]ое земли
купъцы или послы прылучатся в н(а)шых: земълях, и намъ техъ твоих купъцовъ и
послов не порубати,
ни статьковъ в нихъ не
отънимати, а отъпустити намъ их всех доброволне зо въсеми ихъ статки. А которыи н(а)ши купъцы или послы
прылучатся в ту пору въ твоихъ земълях, и тобе н(а)шы[х] купъцов и пословъ
такъже не порубати,
ни иматм, ни жывотов
ихъ в них не отънимати, а отпустити ихъ всех доброволне со въсими ихъ жывоты.
А на томъ на въсемъ, какъ в сем перемирънои грамоте
писано, мы, великии г(о)с(по)д(а)ръ Иванъ, Божъею м(и)л(о)стью г(о)с(по)д(а)ръ
всея Руси и велики кн(я)зь володымирскии, московъскии, новгородскии, пъсков|| [191v]скии, и резаньскии, тферскии, югорскии,
перъмъскии, болгарскии и иных, целовали есьмя кресть к тобе, брату н(а)шому,
великому г(о)с(по)д(а)рю Жыкгимонту, Божъею м(и)л(о)стью королю полскому и
великому кн(я)зю литовъскому, рускому, кн(я)ж(а)ти прускому и жомоитскому, и
мазовецъкому и иных, на томъ, что намъ по сеи перемирнои грамоте до тыхъ
урочъныхъ пять летъ тот мир держати крепъко по тому, какъ в сеи перемирънои грамоте описано.
Писанъ на Москве, лета 7000 четырдесят
пятого.
Источник:
164. То есть грамота перемирная московъская, которую
писаръ латиньскии, панъ Венъцыславус до короля его м(и)л(о)сти прынесъ, с
которое жъ копея слово отъ слова списана и до пана воеводы виленьского имъ же
послана - 1537 [iki 03 25]
//
Lietuvos
metrika (Вильнюс: Изд.
“Жара”,
2002), 38.
Подг.
Артурас Дубонис.
Книга
записей № 15 (1528-1538),
448 с. Обл. 1200 экз.