63. 1561.10.16

Писаны листы до всих татаровъ, абы на воину ехали, и посланы до нихь тые листы через татарина Махмета Дахновича м(е)с(е)ца окт(ебра) 19 дн(я)

до хор(ужого) виленьского Магьмет улана,

до хор(ужого) мерешлянсково Усеина,

до хор(ужого) новгорогского сеит Манцыра,

до хор(ужого) алаирского,

до хор(ужого) виленьского Петра Минбулатовича,

до хор(ужого) троцкого Миртузы Олишьковича.

Тые листы такъ писаны:

Хоружому татарскому у повете Троцком кнезю Мортузе Олишъковичу и всимъ княземъ, татаромъ того хоружъства.

Яко естъ всимъ вамъ ознаимено и росказано через гетмана нашог(о) при роспущени воика зъ земъли Ифълянтское, абы есте зася ничого не мешкаючи ку тои же служъбе нашои г(о)с(по)д(а)ръскои и земъскои военънои поготову были, так и тепер хочемъ мети и приказуемъ вам, ажбыи кажъдыи з вастъ, хто бы одно мог[85v(68v)] на конъ всестъ и служъбу земъскую годне служити, се зде до Вильни ехали и страновили ся туыъ у Вильни м(е)с(е)ца теперешнего октебра двадцатъ осмого дня, а мы роскажемъ вамъ зъ скарбу нашог(о) жаловне чинити пенезъми и сукъны, а възявъши жаловане в скарбе нашом абы есте з домовъ своих конечъно выехали и на ден с(ве)тог(о) Мартина (11.11) пришлог(о) св(я)та в року теперешънем шестдесят первом на границах земли Ифълянтское становили ся, омешъкати сего росказаня нашаг(о) г[оспо]д[a] ръского не смеючи, што охотнымъ а поспешъным ласкою нашою паметати хочем и з жалованемъ годнымъ не омешъкаемъ, а непослушъные срокго карати будутъ.

Писанъ у Вилънъ, року[15]61 м(е)с(е)ца окт(ебра) 16 дня.

Источник:
63. Писаны листы до всих татаровъ, абы на воину ехали, и посланы до нихь тые листы через татарина Махмета Дахновича м(е)с(е)ца окт(ебра) 19 дн(я). // Lietuvos metrika (Вильнюс: Изд. Институтата ЛИ, 1996), 76.
Подг. Альгирдас Балюлис.
Книга записей № 564 (1553-1567),
205 с. Обл. 1500 экз.