12.                   1561.05.08/14

 

То техъ роки [15]61 писаны листы до всихъ местъ г(о)с(по)д(а)ръскихъ,покладаючи на нихъ сумы пенезеи и розосланы тые листы м(е)с(е)ца мая 14 дня.

 

Федор Левъковичъ понес:

до мещанъ ляховичъских 20 коп,

до мещан слонимъских 100 коп,

до мещан новгородcких 500 коп,

до мещан мозырских 100 коп,

до мещан пинских 500 коп,

до мещан киевъских 1000 коп,

до мещанъ кобринских 200 коп.

 

Остафеи Гридичъ понес:

до мещанъ бобруискихъ 100 коп,

до мещан полоцкихъ 700 коп,

до мещанъ витебъских 700 коп,

до мещан оршаньских 500 коп,

до мещанъ могилевъских 1000 коп,

до мещан меньских ъ 500 коп.

 

Янъ Квинъта понесъ:

до мещан волковыиских 500 коп,

до мещанъ луцъких 200 коп,

до мещанъ каменцких 200 коп,

до мещан порозовъских 100 коп,

до мстибоговъских 100 коп,

до кре[м]янецких 200 коп,

до шерешовских 50 коп,

до берестеиских 300 коп,

до ковельских 100 коп.

 

Богъданъ Букраба понес : [30(13)]

до мещан саражских 200 коп,

до браньских 200 коп,

до городенских 1000 коп,

до тыкотинских 200 коп,

до переломъских 50 коп,

до кнышинского 200 коп,

до бельскихъ 1000 коп.

 

Тые листы такъ писаны :

Иж тыхъ часовъ ку потребе Речи Посполитое выдана естъ зъ скарбу нашого великая сума пенезеи и от часу на таковую ж потребу земску   еще немалыхъ сумъ естъ потреба, для чого видело ся намъ слушне шацунок на маетности людеи купецкихъ и на места наши положити, яко ж и покладаемъ на тое место... и на васъ подданых наших томошнихъ, певную суму, то естъ..., на которую ажъбы есте вси зложивши ся тую суму всю сполъна отдали до скарбу нашог(о) на ден с(вя)тых апостол Петра и Павла пришлого с(вя)та. А скоро платы выбраны и до скарбу нашого отнесены будуть, мы тую суму пенезеи кром жадног(о) задерживаня зъ скарбу нашого вамъ отдати и заплатити роскажемъ. А пак ли бы есте на токовую суму складати ся и въ скарбъ нашъ дати ее не хотели, вы бы кождыи маетьность свою ошацовавши певныи падоток по шести грошеи с копы до рукъ вряду местского отъдали, ничого маетности своее не втаиваючи, под утратою всее маетьностью, на што вы в раде того места абы есте старшихъ межи собою обравъши и уставивъши и без мешканя тотъ подотокъ выбравъши тот же рокъ помененыи до скарбу нашого отнесли и отдали, и присягу учинити повинъни будете, яко справедливе не фолькгуючи никому и не отъпушчаючи ничого тотъ падатокъ выбрали.

 

Писанъ у Вильни лет(а) Бож(его) нарож(енья) 1561, м(е)с(е)ца мая 8 дня. [30v(13v)]

 

Источник:

12. То техъ роки [15]61 писаны листы до всихъ местъ г(о)с(по)д(а)пъскихъ,покладаючи на нихъ сумы пенезеи и розосланы тые листы м(е)с(е)ца мая 14 дня : 1561.05.08/14 // Lietuvos metrika (Вильнюс, 1996), 37. Подг. Альгирдас Балюлис. Книга публичных дел № 564 (1553-1567), 208 с. Обл. 1500 экз.