7. [1561]
Универсалъ до всих вобецъ писаныи даванью жывности жолнеромъ для обороны до Лифлянт посланым за п(е)н(е)зи водлугъ уставы
Жикгимонтъ
Княземъ, паномъ, воеводамъ, старостамъ, кнегинямъ, панямъ, державъцамъ, наместъникомъ, тивуномъ, бояромъ, вдовамъ и дворяномъ нашимъ, и всимъ подданымъ нашимъ г(оспо)д(а)ръскимъ и князскимъ, паньскимъ и духовънымъ в панстве нашомъ Великомъ Князстве Литовъскомъ.
Даемъ вамъ ведати, ижъ которие люди служебъные ездные и пешие для потребы Речи Посполитое земъское тутошънего паньства нашого и ку обороне земли Ифлянътъское вышли суть с Коруны Полъское и до сего часу в земли Ифълянътскои под Коконгавъзомъ были. Ино для лепъшое и способънеишое живъности видело ся намъ положити [26v(9v)] ихъ при замъкохъ, дворехъ и волостяхъ нашихъ и на некоторихъ именъяхъ вашихъ и на неподалеку границъ оное жъ земли Ифлянтское, яко жъ до именья кнегини Анъдреевое Глебовича Проньское, кнегини Ганъны Сопежанъки, Икажъны, росказали есьмо тягънути и тамъ положити ся ротъмистромъ нашимъ зъ трема сты конеи. А прото приказуемъ вамъ, абысте яко в тягъненъю по дорозе, такъ и на местъцу всякие живъности продавали имъ и продавати велели по сеи уставе нашои а на полскую личъбу в кожъдыи грошъ личечи по осьми пенезеи литовскихъ, то естъ
за бочку жита пятнадцатъ грошеи польскихъ а на литовъскую личъбу дванадцать грошеи,
за бочъку муки ржаное шестнадцать грошеи польскихъ а литовъскихъ, дванадцатъ грошеи и осимъ пенезеи,
за бочъку овса десетъ грошеи польскихъ а литовъскихъ осмъ грошеи,
за бочъку ячъменю дванадцам грошеи польскихъ а литовъскихъ деветъ грошеи и шестъ пенезеи,
за бочъку гречъки полътринадцата гроша полских а литовъскиьх десетъ грошеи,
за бочъку пшеницы пятънадъцатъ грошеи польскихъ а лытобъскихъ дванадцать грошеи,
за бочъку солоду пшеничъного шестънадъцать грошеи польскхъ а литовъскихъ тринадцатъ грошеи,
за бочъку солоду ячъного пятънадцать грошеи польскхъ а литовъскихъ дванадхать грошеи,
за бочъку крупъ ячъныхъ двадцетъ чотыри гроши польскихъ а литобъскихъ деветнадцать грошеи и пенезеи два,
за бочъку крупъ гречишъныхъ двадцеть пять грошеи полскихаъ литовскихъ Двадцетъ грошеu, за бочку пшона, то естъ якгелъ, полътретя золотого польского а литобъскихъ двадцаетъ грошеи,
за бочъку гороху тридцеть пят [27(10)] грошеи польскихъ а литовъскихъ двадать осмъ грошеи,
за яловицу добрую зъ скурою сорокъ пять грошеи, польских а литовъскихъ тридъцать шесть гроши,
за яловиц середнюю сижогоднюю сорокъ грошеи польскихъ а литовъскихъ триgцать два гроши,
за яловицу подлеишую тридцать три гроши польские а литовъскихъ двадцать шесть грошеu и пенезеи чотыри
за барана осьмъ грошеи польскихъ а литовьскихь шесь грошеи пнезеи чотыри грошеи,
за вепра некоръмного двагцать гровшеи, польскихъ а лытобъскихъ шестнадьцать грошеи,
за фунть мяса волового або ялобичог(о) солоного полъгроша польская а литовъскихъ чотыри пенезы,
за фунтъ мяса вепрового полтора гроша польскихъ а литовъскихъ дванадцать пенезеи,
за воз сена однымъ конемъ три гроши польскихъ а литовъскихъ два гроши ичотыри пенеси.
А з гуменъ нашихъ г(о)с(по)д(а)пскихъ и князкихъ, паньскикъ и шляхетскими не маютъ они ничого брати и поддаными нашими и шляхетскими не возити и не робити.
А хто в кого без вижа што озметь, таковыи совито заплату вделати будеть повиненъ.
Такъже тежъ естли бы кому з служебъныхъ отъ кого с подданыхъ нашихъ г(о)с(по)д(а)ръскуьхъ и ваших ъ кривъда шкода стала ся, Ино они сами собе справедливости чинити не маютъ але обославъши пана, чиu будетъ слуга або подданыи, права собе маетъ доводити. А где бы за обосланьемъ справедливостъ не учинена, ино вряд под которимъ ся то станетъ, справедливостъ вделати мает.
А подданые вси нехаи бы живъностеи з домовъ своихъ не выпроважали, кгды жъ в селехъ большая ся имъ шкода дееяти можеть, нижли в домехъ о томъ бы есте ведали и водле [27v(10v)]сего росказанья и иставы нашое в [п]поданью жибъностеи заховали ся конечъно.
Писанъ еtc...
Источник:
7. Универсалъ до всих вобецъ писанъи даванью жывности жолнеромъ для обороны до Лифлянт посланым за п(е)н(е)зи водлугъ уставы: [1561] // Lietuvos metrika (Вильнюс, 1996), 34-35. Подг. Альгирдас Балюлис. Книга публичных дел № 564 (1553-1567), 208 с. Обл. 1500 экз.