8.                     1553.10.12

Наука писаромъ польскимъ, зъ стороны Великого Князства Литовъского пану Венъцыславу, секретару, а стороны Коруны Польское пану Станиславу Вороневъскому, яко ся мають справовати около пописаванья быдля которое на поляхъ короля его милости подданые цесарские паствити будуть.

Напервеи ожидати того будуть абы санъдчакъ белогородскиuи пану воеводе бельзскому, князю воеводе киевъскому  отказ вчунилъ на тые листы которие з росказанья короля его милости до него писаны  будуть, озънаuмуючи ему о постановенье около тыхъ поль межи королемъ.его милоцтью а цесаромъ турецъкимъ А кгды озънаимить, же вжо росказалъ росказаньемъ цесарскимъ подданимъ, абы без оповеданья и постанобенья дани отъ пашни на поля короля его милости не ездили, поедутъ до Белагорода и тамъ становенье около тое пашъни чинити маютъ старючи ся о то пильне, абы вси тые каторые паствити на поляхъ короля его милости будутъ, списаными мели, и много которих стадъ якъ великихъ мети будутъ. А то все списабши до его королевъское милости прислати мають. [28(11)]

Там же тежъ вже и умову вчинятъ, по чому отъ ста воловъ, конеи и овецъ платити маютъ абы о то при выбиранью дани трудностъ не была.

Будетъ тежъ того пильне догледати, жебы от поgданых короля его милости шкоды жадные не делали ся тымъ которие умовы о паству вчинятъ. А которого бы такового дознали, жебы шкоды чинити мелъ маетъ его королебъская милостъ писаным [листом] своимъ ознаимити стороста [м] его милоцти бапскоми у браславскомы опобедати

А того напильнеи стеречи маете, абы во всемтъ згодлыве тую послугу короля его милости оправили пожитку и скарбу его королевское милости стеречи маютъ .

А остатокь королъ его милостъцноте и вере ихъ поричити рачитъ.

Писанъ у Ломъзе лет(а) Бож(его) нарож(енья) 1553, м(е)с(е)ца ок (тебра) 12 дня.

Источник:

8. Наука писаромъ польскимъ, зъ стороны Великого Князства Литовъского пану Венъцыславу, секретару, а стороны Коруны Польское пану Станиславу Вороневъскому, яко ся мають справовати около пописаванья быдля которое на поляхъ короля его милости подданые цесарские паствити будуть : [1553.10.12] // Lietuvos metrika (Вильнюс, 1996), 35-36. Подг. Альгирдас Балюлис. Книга публичных дел № 564 (1553-1567), 208 с. Обл. 1500 экз.